Na Valetabu kei na Inaki ni Marau

Na vei Valetabu e ra tiki ni inaki nei Tamada Vakalomalagi me baleti ira kece na luvena.

E na vei valetabu kece eda cakava kina na noda veiyalayalati tabu kei na Kalou. Na veiyalayalati kece oqo sa noda vosa ni yalayala tabu veikeda kei na Kalou. E na vei valetabu e na soli kina vei keda na noda edaumeni kei na kaukauwa vakabete tabu, ka ciqoma na nomu vakatakila, vakayacora na ilesilesi me baleti ira na wekada e ra sa mate, ka vaucivata kei ira na lewe ni vuvale ka tawamudu.

Na veika kece oqo sa rawa e na vuku i Jisu Karisito kei na nona isoro imadrali ni veisorovaki.

Na Valetabu e vakavotuya kina na lomada vei Jisu Karisito

Na veikakece era tu e na valetabu e dusi Jisu Karisito kei na Nona loloma levu vei keda.

Na ivakatakilakila ka tu e na dela ni qele, na cava na kena ivakaraitaki?

Na inaki sa vakatokai me kabasi. Na cava e gadreva kina e dua me vakayagataka na kabasi? Raica na Alama 37:44-45.

Yalosavasava vua na Turaga-Na Vale ni Turaga

Yalosavasava vua na Turaga, Na Vale ni Turaga sa volai tu e na vei valetabu kece sara. Na vosa e tukuna tale vei keda na valetabu e Nona na na Turaga. E Nona vale, ka itikotiko tabu.

Na vosa “ vua na Turaga” e vukei keda meda vakasamataka na noda ilakolako. Ni da sa yaco mai kina valetabu, eda sa voleka sara vei Jisu Katisito ka muri Koya.

Na i Vakavuvuli na dau ni Veivakabulai

E na so na gauna ko Jisu sa dau vakatokai me wai bula baleta ni vukei keda ko Koya meda kila nida sa savasava ka vakabulai.

E na gauna makawa vakaivola tabu, ko ira na bete e ra vakarautaka na ka ni veiqaravi vua na Kalou e na valetabu, e ra veivakasavasavataki e na tobu wai ni bera nira curu yani.

E daidai, na ivurevure e vakavotuya kina lomada nida sa digitaka na loloma, yalodina, ka muri Jisu, e da maroroyaka na yaloda me savasava ka kila ni da sa voleka vei Koya.

Na Turaga e vinakata meda lako kece yani kina valetabu, ka sureti keda kece sara ko Koya meda vakarautaki keda ni bera nida curu yani.

Na valetabu e vale uasivi ka vakatabui. Ni bera ni vakatabui e dua na valetabu vou, sa dolavi vei ira sa sureti mera mai raica na veika sa tu e loma ni vale. Oqo e na vukea na maravu kei na savasava ni valetabu. Ni bera ni vakatabui na Sacramento Temple e ra lewe 198,367 ko ira na lewe ni vanua e ra yaco mai e na gauna ni se bera kina ni vakatabui.

Ni sa oti na kena vakatabui na valetabu, ko ira kecega na lewe ni lotu era vakaivola tara ni valetabu ka gadreva mera muri Jisu kei na Nona ivunau sa rawa ni curu kina loma ni valetabu. Oqo e na vukea na savasava kei na maravu ni valetabu. E vanua e rawa ni da voleka sara kina vei Tamada mai Lomalagi kei Jisu Karisito.

Na ivakatakarakara ni rosi e tu e na veivanua kecega e na Valetabuni i Sacramento. E rawa niko raica na rosi e na itautauri ni katuba levu kei na ibe rairai totoka ka ubia tu na loma ni icurucu.

Na vatu ivakadei ni noda Vakabauta

Ni sa tara oti e dua na valetabu, e dua na vatu vakatokai na kena ivakadei e na tutu ni vale sa dau biu e na loma ni vale.

E vakavotuya kina lomada ni sai Jisu Karisito na vatu i vakadei e na tutu ni vale ka sa volai koto e na Efeso 2: 20. Na kena ibalebale ni ko Koya e tikina bibi sara ni valetabu kei na noda bula.

Na Loqi ni Papitaiso

Sivia yani na vatu i vakadei ni tutu ni vale sa qai tiko na vanua ni veivakapapitaisotaki.

A vakatavulica ko Jisu meda sucu tale e na wai kei na Yalo Tabu ka curu kina matanitu ni Kalou. (Joni 3:5). Na kena ibalebale na papitaiso e rui ka bibi dina sara.

a ko Paula na i Apositolo i Karisito a taro ka vaka, “Na cava era papitaisotaki kina e na vukudra na mate?” e vakaraitaka ni ka oqo e ra dau qarava na i tokani i Karisito e na gauna koya me vukei ira kina na tani. Raica na Koronica 15:29.

Ni kua ko ira sa tiko na nodra dui vola tara ni curu kina valetabu sa rawa nira lako kina valetabu ka papitaisotaki ira na nodra qase era sa mate.

Oqo na sala ni loloma mera vukei kina na tani. Ko ira eda sa papitaisotaki kina sa tu vei ira na digidigi. Sa vakatau ga vei ira mera taura na ilesilesi ni papitaiso, ia na noda veiqaravi e na valetabu sa soli kina vei ira na galala ni digidigi.

Na veivuke vei ira na tani mera lesu vu ana Kalou e na papitaiso sa dua na sala eda vakaraitaka kina ni da lomani Jisu ka muri Koya.

Na Rumu Vakasilesitieli

Na i otioti ni rumu e na valetabu e vakatokai na Rumu Vakasilesitieli.

Koya e vanua vakanomodi ka maravu sa rawa mera mai tiko kina ka masu, na wiliki ni ivola ni Kalou, se vosa vakasolokakana vua tale e dua.

Koya e vanua tabu ka rokovi, sa rawa meda mai vakananumi Jisu, ka kila na loloma ni Kalou vei keda, ka kerea na Nona veituberi kei na ivakasala.

Na ilesilesi ni Veivauci

E na gauna makawa, ko Jisu sa solia kina na kaukauwa tabu vei Pita na Nona tisaipeli ka kaya, “ia na ka kecega ko na vauca e vuravura e na vauci mai lomalagi”. (Maciu 16:19).

E na valetabu, na tagane vakawati kei koya na yalewa na watina sa rawa me rau veiwatini me tawamudu, koi rau na itubutubu sa rawa me rau vaucivata kei ira na luvedrau e na kaukauwa vakabete. Oqo e caka e na ilesilesi ka vakatokai na “veivauci” Oqo na ilesilesi me baleti ira na bula kei ira na mate.

E dua na veivakalougatataki cecere sara ni valetabu sai koya na noda bula vakavuvale e na sega ni cava e na vuku ni dua e sa mate.

E na vuku i Jisu Karisito, ni da sa veiqaravi e na valetabu ka muria na veiyalayalati eda sa cakava vua na Kalou, sa rawa meda tiko kei ira na tamata eda lomani ira me tawamudu.

Na rumu ni veivauci e rau tiko ruarua e na yasa ruarua ni valetabu.

O cei na ivakatakarakara ka tu e na dela ni valetabu, na cava e taura tu e ligana?

Oqori na agilosi ko Moronai.

O koya e taura tu na davui e ligana baleta me tukuna mai e dua na itukutuku bibi sara: Ko Jisu Karisito e na lesu tale mai.

Me vaka na davui eda vakarorogo kina. Na itukutuku nei Moronai meda rogoca na lewe i vuravura taucoko.

Marau ka Lasa:

Na balavu ni tawa ena dela ni valetabu e 131 na fiti/ 40 na mita na kena cecere. O qori e sivia na cecere ni vale taba 10.

Ko Jisu Karisito ena lesu tale mai!

“Na wasoma ni noda veiqaravi e na vale ni Kalou e na vakalevutaki kina na noda i tovo savasava kei na loloma. Na gauna ni noda mai tiko e na valetabu e tosoya cake na noda yalodei vua na Kalou. Na levu ni gauna eda tiko kina e na loma ni valetabu e na vukei keda meda vakarautaki keda e na Nona karua ni lesu mai ko Jisu Karisito”.

Peresitedi Russell M Nelson, Epereli 2025.

Tovolea e dua na ka ni lasa ka veivakamarautaki!

Drau tu vata kei koya na nomu itokani me veibasai kei na yasa ni archway, drau qarava vata na tutu ni lalaga.

La drau taura yadudua na gauna mo drau veivosaki kina.

Kevaka ko vakasolokakana, e na rawa ni rogoci iko vinaka nanomu itokani.