Lub Tuam Tsev thiab Daim Phiaj Xwm  ntawm Kev Zoo Siab

Cov Tuam Tsev yog ib feem ntawm Leej Txiv Saum Ntuj Ceeb Tsheej txoj kev npaj rau Nws cov me nyuam.

Hauv cov Tuam Tsev, peb cog lus tshwj xeeb nrog Vajtswv, Cov kev khi lus no yog kev cog lus dawb ceev ntawm peb thiab Vajtswv. Hauv cov tuam tsev peb  tau txais kev muaj hwj chim ntawm lub hwj chim pov thawj hwj  (priesthood), txais kev tshwm sim ntawm tus kheej, ua tej kab ke rau peb cov poob koob yawm txwv uas tau tas sim neej lawm, thiab peb raug khi nrog peb tsev neeg mus ib txhis.

Txhua yam no ua tau vim yog Yexus Khetos thiab Nws txoj kev txi theej txhoj.

Lub Tuam Tsev qhia kom Peb Nco Txog Yexus Khetos

Txhua yam hauv lub tuam tsev qhia rau peb txog Yexus Khetos thiab Nws txoj kev hlub loj heev rau peb.

Lub cim hom dab tsis nyob rau hauv av thiab nws sawv cev rau yam dab tsis?

Tus tsim yog hu ua “lub qhia kev” (compass). Vim li cas ib tug neeg thiaj yuav tsum tau siv lub qhia kev? Yog xav paub ntxiv saib (Amas 37:44-45)

Kev Dawb Huv Rau Tus Tswv – Lub Tsev Ntawm Tus Tswv

“Kev Dawb Huv rau Tus Tswv, Lub Tsev Ntawm Tus Tswv” raug sau rau ntawm txhua lub tuam tsev. Cov lus no rov qhia rau peb tias lub tuam tsev yog Tus Tswv lub. Nws yog Nws lub tsev, thiab nws yog ib qho chaw dawb huv.

Cov lus “rau Tus Tswv” pab peb xav txog kev qhia kev. Thaum peb tuaj rau lub tuam tsev, peb tab tom txav los ze rau Yexus Khetos thiab raws Nws qab.

Tus XibHwb Kho

Yexus tej zaum kuj raug hu ua “ cov dej muaj sia” vim tias Nws pab peb hnov tias peb dawb huv thiab puv npo.

Tau ntev los lawm nyob hauv phau Vajlugkub,  cov pov thawj  npaj los ua dej num rau Vajtswv hauv lub tuam tsej yuav tsum tau ntxuav  hauv pas dej ua ntej nkag mus.

Niaj hnub no, tus ciav dej ntws (fountain) qhia rau peb tias thaum peb xaiv ua siab zoo, ncaj ncees, thiab raws Yexus qab, peb ceev peb lub siab kom dawb huv thiab npaj tau los nyob ze Nws.

Tus Tswv xav kom txhua tus tuaj rau lub tuam tsev, thiab Nws caw txhua tus npaj siab tuaj  nkag.

Lub tuam tsev yog ib qho chaw tshwj xeeb thiab dawb huv. Ua ntej ib lub tuam tsev tshiab raug fij, qhib lub tsev (open house) uas txhua tus raug cawd tuaj saib. Ua ntej Sacramento lub tuam tsev raug fij, muaj 198,367 tus neeg tuaj xyuas thaum  qhib lub tsev.

Tom qab ib lub tuam tsev raug fij, tsuas yog cov tswv cuab hauv lub Koom Txoos uas raws Yexus qab thiab tuav Nws tej lus txib thiaj li nkag tau hauv. Qhov no pab kom lub tuam tsev nyob kaj lug thiab dawb huv. Nws yog ib qho chaw uas peb hnov tias nyob ze Leej Txiv Saum Ntuj Ceeb Tsheej thiab Yexus Khetos heev.

Cov paj ntshua nplaim “rose” raug siv thoob plaws hauv Sacramento lub tuam tsev. Koj pom tau cov paj ntshua nplaim ntawm cov qhov rooj loj thiab ntawm cov ntaub pua pem teb zoo nkauj thaum nkag los.

Lub Pob Zeb kaum tsev ( Cornerstone) ntawm Peb Txoj Kev Ntseeg

Thaum ib lub tuam tsev tshiab raug tsim, muaj ib lub pob zeb tshwj xeeb hu ua lub pob zeb kaum tsev “cornerstone” raug tso rau hauv lub tsev.

Nws rov qhia  kom peb nco txog Yexus Khetos, uas raug hu ua “lub pob zeb tseem ceeb tshaj plaws” hauv phau Vajlugkub (Efexaus 2:20). Qhov ntawd txhais tau tias Nws yog qhov tseem ceeb tshaj plaws hauv lub tuam tsev thiab hauv peb lub neej.

Chav Ua Kev cai raus dej (Baptistery)

Tom qab lub  pob zeb kaum tsev “cornerstone” yog lub chaw ua kev cai raus dej (baptistery).

Yexus qhia tias peb yuav tsum yug los ntawm dej thiab ntawm Tus Ntsuj Plig thiaj yuav nkag tau mus rau Vajtswv lub nceeg vaj (Yauhas 3:5) . Qhov ntawd txhais tau tias kev cai raus dej tseem ceeb heev. Tab sis yuav ua li cas rau cov uas tsis tau kawm txog Yexus lossis tsis tau txais kev cai raus dej thaum tseem muaj sia?

Thaum ub, tus thwj tim Povlauj tau nug tias: “Vim  li cas lawv thiaj ua kev cai raus dej rau cov tuag?” qhia tias yav tag los cov ntseeg ua li ntawd los pab lwm tus. (1 thauleethaus 15:29).

Niaj hnub no, cov uas muaj daim ntawv pom zoo ntawm lub tuam tsev tau mus tim lub tuam tsev (temple recommend) thiab ua kev cai raus dej rau cov yawg koob pog koob uas tau tas sim neej lawm.

Qhov no yog ib txoj kev hlub los pab lwm tus. Cov neeg uas peb tau ua kev cai raus dej rau lawv tseem muaj cai xaiv. Lawv tsis tas yuav txais kev cai raus dej, tab sis peb txoj kev pab hauv lub tuam tsev yog muab lub cib fim rau lawv.

Kev pab lwm tus rov qab mus cuag Vajtswv los ntawm kev cai raus dej yog ib txoj kev uas peb qhia peb txoj kev hlub thiab raws Yexus qab.

Lub Chav Saum Ntuj Ceeb tsheej (Celestial Room)

Chav ntawm qhov kawg hauv lub tuam tsev hu ua chav saum ntuj ceeb tsheej “Celestial Room”.

Nws yog ib qho chaw ntsiag to thiab kaj siab uas tib neeg tuaj xav thiab thov Vajtswv, nyeem Vajlugkub, lossis nyob ntsiag twb tos ib leeg rau ib leeg.

Nws yog ib qhov chaw nyob ntsiag twb tos thiab chav dawb huv kom peb muaj peev xwm xav txog Yexus, hnov Vajtswv txoj kev hlub rau peb, thiab nrhiav Nws txov kev pab thiab txoj hau kev.

Kev Khi Kab kev (Sealing Ordinance)

Thaum ub, Yexus tau muab lub hwj chim tshwj xeeb rau Nws tus thwj tim Petus thiab hais tias: “Txhua yam uas koj yuav khi rau ntiaj teb yuav raug khi saum ntuj ceeb tsheej” (Mathais 16:19).

Hauv lub tuam tsev, ib tug txiv neej thiab poj niam tuaj yeem sib yuav mus ib txhis, thiab cov niam txiv tuaj yeem raug khi nrog lawv cov menyuam  los ntawm tib lub hwj chim ntawd. Qhov no hu ua kev khi “sealing.”  thiab yog ib txoj kab ke ua rau cov ciaj sia thiab rau cov tuag lawm.

Ib qho ntawm cov koob hmoov loj tshaj plaws ntawm lub tuam tsev yog tias peb tsev neeg txoj kev sib raug zoo yeej yuav tsis tag rau thaum muaj ib tug tuag lawm xwb.

Vim muaj Yexus Khetos, thaum peb pe hawm hauv lub tuam tsev thiab tuav cov lus cog uas peb tau cog nrog Vajtswv, peb yuav nrog cov neeg uas peb hlub nyob tau mus ib txhis.

Cov chav  Kev khi “sealing” nyob rau ob sab ntawm lub tuam tsev.

Leej twg yog tus pej thuam nyob saum lub tuam tsev thiab nws tuav dab tsi?

Yog tus tim tswv Moronai!

Nws tuav ib lub raj (trumpet) vim nws tshaj tawm ib yam tseem ceeb heev: Yexus Khetos yuav rov qab los!

Ib yam li lub raj uas ua kom tib neeg mloog, Moronai cov lus yog kom txhua tus neeg nyob hauv ntiaj teb hnov.

Qhov Lom Zem Tseeb:

Tus pej thuam sawv siab saum lub tuam tsev nws siab li 131 feet/40 meters. Qhov ntawd siab dua ib lub tsev 10 theem!

Yexus Khetos Yuav Rov Qab Los dua!

“Kev pe hawm tsis tu ncua hauv lub tsev ntawm Tus Tswv pab kom peb muaj peev xwm loj hlob hauv kev ncaj ncees thiab kev hlub tshua. Yog li ntawd, siv sij hawm hauv lub tuam tsev ua kom peb muaj kev ntseeg siab rau Tus Tswv. Kev siv sijhawm ntau dua hauv lub tuam tsev yuav pab peb npaj tau rau txoj kev los zaum ob ntawm peb tus Cawmseej, Yexus Khetos.”

Thawj Tswj Hwm Russell M. Nelson, Plaub Hlis 2025

Ua ib qho kev lom zem!

Nrog ib tug phooj ywg, sawv ntawm ob sab ntawm lub qhov rooj puag ncig, neb ob leeg ntsia rau ntawm ces kaum phab ntsa

Tam sim no nej ib leeg tham nrog ib leeg.

Txawm yog koj yuav ntxhi xwb los, koj tus phooj ywg yeej yuav hnov meej.