Tampeļ eo im Karōk in m̧ōņōņō eo.

Tampeļ ko rej uwaan karōk eo an Jemed Illan̄ n̄an ro nejin.

Ilo tampeļ ko jej kōm̧m̧ani bujen ko rekwōjarjar ippen Anij. Bujen kein rej kallim̧ur ko rekwo̧jarjar ikōtaad im Anij. Ilo tampeļ jej bōk menin letok eo ekwōjarjar kōn kajoor eo an priesthood, bōk revelesōn ko n̄an kōj make, kōm̧m̧ani jerbal in kain̄i ko n̄an ro jibwūd im jimmaad etto, im liāpe kōj n̄an baam̧le ko ad n̄an indreo.

Aolep men kein jej maron̄i kōn Jisōs Kraist im en̄taanin in pinmuur eo An.

Tampeļ eo ej kakemejmej kōj kōn Jisōs Kraist.

Aolep men ko ilo Tampeļ rej jitōn̄ļo̧k Jisōs Kraist im Iakwe eo An eļap n̄an kōj.

Ta kakkōļe eo illaļ im ta eo ej jutak ikkijeen?

Kōm̧m̧an in ej naetan juōn kam̧bōj. Etke Juōn armej ej aikujin kōjerbale juōn kam̧bōj? N̄an kameļāļā lale Alma 37:44-45.

Kwōjarjar n̄an Irooj - Mweo Im̧wōn Irooj.

“Kwōjarjar n̄an Irooj, Mweo Im̧wōn Irooj” em̧wōj jeiki ilo im̧aanin kajjojo tampeļ. Naan kein rej kakemejmej kōj bwe tampeļ ej an Irooj. Ej m̧weo Im̧wōn, im ej juōn jikin ekwōjarjar.

Naan kein “n̄an Irooj” rej jipan̄ kōj ļōm̧ņak kōn iaļ. Ne jej itok n̄an tampeļ, jej epaakelak  Jisōs Kraist im ļoor E.

Maajta Rikemour eo.

Jisōs jet ien rej naetan drenin mour kōnke ej jipan̄ kōj en̄jaake erreo im mour.

Ilo etto ilo Baibōļ eo, priij ro rej kappopo n̄an jerbal n̄an Anij ilo aer kareoiki er ilo ļwe(jikin dren) mokta jen aer deļon̄.

Rainin, dren eo ej wanlōn̄tak ej kakememej kōj bwe ilo ad kelet jouj, mool, im ļoor Jisōs, jej kejpārok an erreo buruōd im poojak n̄an en̄jaake ad epaak n̄an E.

Irooj ej kōnaan bwe aolep ren itok n̄an tampeļ eo, Ej karuwaineneik aolep n̄an kappopo n̄an dreļōn̄e.

Tampeļ eo ej juōn jikin eaurōk im ekwōjarjar. Mokta jen ien kōjeraam̧m̧ane an juōn tampeļ ekāāl ewōr juōn ien m̧weo ej peļļak n̄an aolep ro rej ruwainene n̄an itok im alooje lowaan. Mokta jen ien kōjeraam̧m̧an eo an Sacramento Tampel, 198,367 armej rekar lootok mwiin ilo ien eo ear peļļak.

Elkin aje eo an juōn tampeļ, ro rej membōr in Kabun̄ in wōt im ewōr aer kein kamālim n̄an drelon̄ ilo tampeļ im rej kajeon̄ n̄an ļoor Jisōs im kejpārok kien ko An remaron̄ dreļon̄ ilowaan. Menin ej jipan̄ tampeļ eo kejpārok wōt an aenōm̧m̧an im ekwōjarjar. Ej juōn jikin eo jej maron̄in en̄jake ad epaakeļo̧k Jemed Illan̄ im Jisōs Kraist.

Pija in wūt ej pād ilo aolepen tampeļ eo ilo Sacramento. Komaron̄ loe wūt ko ilo kein kōpeļļo̧k kōjām ko im ilo illaļ in wōt ijjo aibuijuij ilowaan jikin dreļon̄ eo.

Dekā in Jabōn em̧ eo an tōmak in ad.

Ñe juōn tampeļ ekāāl ej ekkal, juōn dekā eaurōk naetan dekā in jabōn em̧ em̧wōj likūti ilo pādpād eo an mweo.

Ej kakememej kōj kōn Jisōs Kraist, eo im rej naetan “lukwin dekā in jabōn em̧” ilo jeje ko rekwōjarjar (Epesōs 2:20) Melelein bwe E ej aurōktata eo an tampeļ eo im ilo mour ko ad.

Jikin peptaij.

Elkinļo̧k wōt dekā in jabōn em̧ eo ej jikin peptaij eo.

Jisōs Kraist ear katakin bwe jej aikuj ļōtak jen den im ilo jetōb n̄an deļon̄e aelōn̄ eo an Anij (Jon 3:5). Meļeļein ke peptaij eļap an aurōk. Ak armej ro raar jab wōr aer ien n̄an Katak kōn Jisōs Kraist ak peptaij ke raar mour?

Ilo etto, rijjilōk eo an Kraist Paul ear kajjitōk, “Etke rej peptaij kōn ro rimej?” Kwalok ke menin ej juōn men eo kūrjin ro m̧okta rej kōm̧m̧an n̄an jipan̄ ro jet (1 Korint 15:29).

Rainin armej ro ewōr ippāer mālim n̄an deļon̄e remaron̄ etaļ n̄an tampeļ im peptaij kōn ro jibwier im jimmaer emwōj aer jako.

En̄iin ej wāwein iakwe eo n̄an jipan̄ ro jet. Armej ro im jej peptaij kōn er rej m̧āron̄ wōt kōmman kāālet. Rejjab aikuj bōk kain̄i eo n̄an peptaij, bōtaab jerbal eo ad ilo tampeļ ej leļok ien n̄an er.

Jipan̄ ro jet jeplaak n̄an Anij ilo peptaij ej wāwein eo jej kwalok iakwe im ļoore Jisōs.

Celestial Ruum̧.

Ruum̧ eo ilo jemļokin tampeļ eo ej ņaetan Celestial ruum eo.

Ej juōn jikin eo elur, aenōm̧m̧an me armej rej māron̄ joļok ien n̄an ļōm̧nak im jar, riiti jeje rekwōjarjar, ak ajjinono ippendoon.

Ej juōn jikin kwaļok kauteej im juōn eo aurōk jej māron̄in ļōmņak kōn Jisōs, en̄jake iakwe eo an Anij n̄an kōj, im pukwōt tel eo An im ial eo An.

Kain̄i in Liape

Ilo etto, Jisōs ear leļok jūōn kajoor eaurōk n̄an rijjilōk eo An Pita im ba,”Jabdewōt men eo kwōnaaj liāpe ioon laļ, naaj liāpe illan̄” (Matu 16:19).

Ilo tampeļ eo, juōn em̧m̧aan im juōn kōrā remaron̄ mare n̄an indreo im ro jineer im jameer remaron̄ liape n̄an ajri ro nejier jen ejja jen Kajoor in wōt an priesthood. Menin ej kōm̧m̧an ilo kain̄i eo naetan “Liāpe.” Kain̄i in ej n̄an ro remour im ro rimej.

Juōn ian kōjeram̧m̧an ko an tampeļ ej bwe jemjerā ko an baamle eo ad rejjab jem̧ļok n̄e juōn armej ej mej.

Kōn Jisōs Kraist, n̄e jej kabun̄-jar ilo tampeļ im kejpārok bujen ko jej kōm̧m̧ani ippen Anij, jej maron̄ pād ippen armej ro jej iakwe er n̄an indreo.

Ruum in liāpe ko rej pād jim̧or ilo tuiōn̄ im turōkin tampeļ eo.

Annan̄in wōn en illōn̄in tampeļ en im ta en ej jibwe?

E enjel Moronai!

Ej jibwe juōn jilel kōnke ej kōjellā juōn naan aurōk: Jisōs Kraist enaaj bar itok!

Enwōt an armej eļļo̧k n̄an jilel eo, aolep armej ioon lal in renaaj ron̄ naan eo an Moronai.

Juōn men emool: Juõn mool

Im̧wōn bar eo euteej ilo tampeļ eo ej 131 ne/40 mita uteej in. Euteejļak jen juōn em̧ 10 nikaain.

Jisōs Kraist enaaj bar itok!

Ikutkut kabun̄-jar ilo m̧weo imōn Irooj enaaj kōļļapļo̧k jim̧ōr ekwōjarjar eo ad im iakwe eo ad. Andein, ien ilo tampeļ enaaj kōļļapļo̧k ad peran imaan Irooj. Kōļļapļo̧k ien ilo tampel enaaj jipan̄ kōj kōpopo n̄an itok eo Kein Karuo an ad Rilomoor, Jisōs Kraist.

Būreejtōn Russel M. Nelson, Eprōļ 2025

Kajion̄e juōn kukere ekalimomo!

Ippen juōn m̧ōttam̧, jutak ilo jim̧ōr tuiōn̄ im turōkin arch eo, komiro jim̧ōr jitļo̧k n̄an kona in wall eo.

Kiō juōn ilok juōn kōnaan n̄an doon.

Men̄e kwōj unojdikdik, eo m̧ōttam̧ enaaj em̧an wōt an ron̄ ainikiam.